---

---

http://www.dl.multimedia.tractorfc.com/music/Aytam%20Yasha%20Traxtor%20%20Multimedia.tractorfc.com.mp3

---

YASHASIN TRAXTOR

Türki şirin dilimdir ------- Birdana sevgilimdir



Qəhrəmanlar yaradan -- Bu el mənim elimdir

نوروز سؤزونون معناسي »يئني گون« دئمكدير. بير چوخ شرق خالقلاري كيمي آذربايجان خالقيدا قديم زامانلاردان باشلاياراق گئجيله گوندوزون برابرلشدييي21 مارت گونونو يازين گلمه سي ايله علاقه دار اولاراق خصوصي قايغي گؤستريرلر. هامي اونون گليشيني بايرام ائدير. ائو ـ ائشيك سليقه‌يه سالينير. اينسانلار تزه پالتار گئيير، يومورتا بويايير، شيرنييات هازيرلاييرلار. كوسولولر باريشير، اينسانلار قوهوم ـ قونشوسونو بير ـ بيرينه قوناق چاغيريرلار. نوروز چرشنبلرينده تونقال قالانير، شنليكلر كئچيريلير. سازيميز، سؤزوموز بوبايرامي ترنّم ائدير. »آزاد نبي يئو«

ائله كي فصلي ـ ياز اولور،

گئجه ـ گوندوز تاراز اولور.

آرتير هاوانين ايستيسي،

داها سويوقلار آز اولور.

»عبّاس صحت«

سوچرشنبه سي: نوروز بايرامينين ايلك چرشنبه سي سوچرشنبه سي ساييلير. ازل چرشنبه ده صوبح تئزدن دوروقاينايان بولاقدان سو گؤتوررلر. دئييرلر، سوچرشنبه سي گونونده صوبح تئزدن آخار دورو سويون اوستوندن كئچنلر آزار ـ بئزاريني آخيدار. آدام لار بوزكيمي بولاق سويوندا ال ـ اوزلريني يويار، بير ـ بيرلرينين اوستونه زارافاتلا سوچيليرلر. سو آخان يئرلري تميزلير، محلّه لرين، يانيندان سوآخماق اوچون آرخالار سالارلار. آدام لار سو اوستونده گوناه ايش توتماياجاقلارينا آند ايچرلر، هامييا ياخشيليق ائدجكلرينه سؤز وئرَرلر.

»آزاد نبي يئو«

سو آخير سامانليقدان،

يول كئچير قارانليقدان.

چاليش ياخشيليق ائله،

نه چيخار يامانليقدان؟!

اود چرشنبه سي: نوروز بايرامي چرشنبه سيني ايكينجيسي اود چرشنبه سيدير. اينسانلار تا قديم واختلاردان تورپاغي ايسيدن گونشي، اونون يئردكي رمزي اولان اودو موقدّس سايميشلار. دوشونموشلركي، اينسانلار گونشي و اودو نه قدر عزيز له سه لر، اوخشاسالار طبيعت اوقدر تئز ايسينر. اود چرشنبه سي ايله علاقه دار نغمه لر، روايتلرده يارانميشدير. اود چرشنبه سي گونونده آداملار هوندور بير يئرده تونقال قالايارديلار. تونقالين دؤوره‌ سينه توپلاشيب گونشين چيخماسيني گؤزلييرديلر. گونش دوغاندا اونلار »قودو ـ قودو« ماهنيسيني اوخويوب، تونقالين اطرافيندا دؤوره وورار. اؤز مشعل لريني يانديريب اوجاقلاريني يانديرماق اوچون ائوه تَلَسَرديلر.

»آزاد نبي يئو«

قودوخان، قودوخان،

سوندورمه اودو، خان.

آت اوسته اود گتير،

اولوسا اود گتير،

سؤزوبال قودوخان،

اؤزو آل قودوخان!

قودوخان يولدادير،

اللري بالدادير.

بوساتي دالدادير.

سؤزو بال قودوخان،

اؤزو آل قودوخان...

يئل چرشنبه سي: قديم اينانجا گؤره يئل اوچونجو چرشنبه ده ـ يئل چرشنبه سينده دونياني گزيب اويانميش سويو و اودو حركته گتيرير. گونش بير گونده بير نئچه دفه دَييشير. اؤزوده تزه‌لنير، تميزلنير. سو كيمي، اود كيمي يئل حاقّيندادا نوروز بايراميندا نغمه لر سؤيلنير:

آ يئل بابا، يئل بابا،

قوربان سه نه، گل، بابا.

تاخيليميز يئرده قالدي،

آ يئل بابا، يئل بابا،

قوربان سه نه، گل، بابا!

»آزاد نبي يئو«

تورپاق چرشنبه سي:بو چرشنبه يه ايلاخير چرشنبه ده دئييرلر. سونونجو چرشنبه ده تورپاق اويانير. سو ايستيلنير، هاوا نرمال لاشير اكينه حاضير اولور. تورپاغا توخوم سپمك اولار. ايلاخير چرشنبه ايلين اَن عزيز گونلريندن ساييلير.

بو يئرلر تالا يئري،

بورج يئري، قالا يئري.

قيامت اوگون قوپار،

ائل كؤچه، قالا يئري!

دئييملر: آخير چرشنبه آخشامي كوسولولر باريشارلار. قارانقوش، نوروز گولو، بنؤوشه، قار چيچيي يازين ائلچيلري ساييلير. آخير چرشنبه و نوروز آخشامي بايرام كئچيره بيلمَيَنلرين قاپيلارينا سمني خونچاسي آپارانلارحيطلري گزر و بئله ماهني اوخويارلار:

من سئحرلي سونبولم،

من خييرلي سونبولم.

تارلالار اويلاغيمدير،

ياماجلار يايلاغيمدير.

اينسانلارا گَرَيم،

بركتم، چؤرَيم.

يولچولار يولداشييام،

اوغوزون قارداشييام.

آغ گونلر يايانام من.

اينسانا هايانام من.

من دونيا ني گزرم،

من دونياني بزرم.

من خييرلي سونبولم

من سئحرلي سونبولم.

بو اومود لا كي يني ايلينيز شادليخ و شنليخلا دولو اولسون سيزه  جان ساغليغي و بركتلي ايل آرزولويرام